Fun&Laughs Videos

Shkencëtarët kanë zbuluar se si çamçakëzi është i mirë për tru.Përtypja e çamçakëzit forcon të menduarit dhe kujdesin, ndërsa sipas studimit, reagimi i atyre që përtypin çamçakëz është 10 herë më i shpejt se sa reagimi i personave që nuk përtypin. Në hulumtimin e kryer në Japoni i cili ështtë publikuar në gazetën “Truri dhe njohja” pohohet që tetë zona të trurit aktivizohen vetëm gjatë përtypjes. Një nga teoritë ofron shpjegimin se si përtypja rrit entuziazmin dhe çon deri te përmirësimi i përkohshëm i qarkullimit të gjakut në tru. Gjatë hulumtimit, vullnetarët kanë pasur detyra të caktuara që është dashur t’i kryejnë gjatë kohës së përtypjes së çamçakëzit, dhe me këtë rast u është fotografuar truri për të parë se cilat fusha aktivizohen. Gjatë testit 30 minutësh pjesëmarrësit kanë shtypur butonat me gisht të majtë ose djathtë si përgjigje se në të cilin drejtim gjendet shigjeta në ekran. Meshkujt dhe femrat që nuk kanë përtypur kanë reaguar për 545 milisekonda, derisa atyre që kanë përtypur u janë dashur 493 sekonda. Është vërtetuar që më së shumti aktive kanë qenë regjionet e trurit për lëvizje dhe kujdes. “Rezultatet tona tregojnë që përtypja rrit nivelin e entuziazmit dhe kujdesit, çka mund të çojë deri të përmirësimi i pjesëve kognitive”, kanë thënë hulumtuesit nga Instituti Nacional për shkencë radiologjike në Japoni.